மதுரை மாவட்டத்தில் கல்வி மாவட்ட அளவில் பிளஸ் 2 விடைத்தாள் திருத்தும் பணி, திருநகர் சீதாலட்சுமி மேல்நிலைப்பள்ளி, கருமாத்தூர் கிளாரட் பள்ளி, ஒத்தக்கடை அரசு பெண்கள் பள்ளி ஆகிய 3 மையங்களில் நேற்று காலை(14.3.16) தொடங்கியது. முதல் நாளான நேற்று முதன்மை தேர்வர்கள் திருத்தும் பணியை துவங்கினர். இவர்கள் இன்றும் இப்பணியை மேற்கொள்வர். நாளை முதல் உதவி தேர்வர்கள் திருத்தும் பணியில் ஈடுபடுவர். முதற் கட்டமாக தமிழ், ஆங்கிலம் விடைத்தாள்கள் திருத்தப்படும். அதனையடுத்து, பிற பாடங்களின் விடைத்தாள்கள் திருத்தும் பணி துவங்கும். விடைத்தாள் திருத்தும் பணியை, மாவட்ட முதன்மைக் கல்வி அலுவலர் ஆஞ்சலோ இருதயசாமி கவனித்து வருகிறார்.
